خطايى ، على اكبر
418
خطاى نامه ( شرح مشاهدات سيد على اكبر خطائى معاصر شاه اسماعيل صفوى در سرزمين چين )
حلى روغنلنمش ستونلرايله ياپلمشيدى تمام محترق اولدقدن صكره يكرمى زراع فاصلهلى بر كوشك و آندن حرم كوشكى و اطرافندهكى نيجه خانهلر و كوشكلر اول كيجه و ايرتسى كونى اقشام نمازينه دكين يانوب هر نقدر اطفاسنه سعى ايتديلرسه ممكن اولمادى . پادشاه امر اسيله سرايدن چقوب اول كون دينلرنده بر معتبر كون اولمغله آتشك سويندرمه سنه تقيد ايتمدى . اما بتخانهيه واروب بن پدر و مادرمى آرزده ايدوب كيمسهيه ظلم و بر نامعقول كار ايشلمدم . خداى آسمان بكا غضب ايدوب تختكاهمى ياقدى ديو تضرع و نيازلر ايدوب غصه سندن بيمار اولدى بو جهتله اول خاتونك نه كونه دفن اولديغى معلوم اولمادى . انجق دفن اولنديغى دخمهيه جاريه و خادملرندن نيجه مقربلرينى قويوب بشر سنه كفايت ايدهجك مأكو - لات و مشروباتلرينى ويررلر . زاد و زوادهلرى دو كند كده كندولرينك دخى عمرلرى تمام اولور . و مخصوص آتلرينى اول دخمهنك اطرافنده صاليويررلر بر كيمسه آنلرى طوتوب بنمز . پادشاهك خسته لكى مشتد اولمغله اوغلى كلوب يرينه اوتوردى . و ايلجيلرك هنوز لوازملرى تمام دكل ايكن اجازت ويروب اول كوندن تعييناتلرينى قطع ايلديلر . ايلجيلر جماذى الاولك منتصفنده خان بالقدن چقوب غرهء رجبده سكان شهرينه وارلدقده مجموع اكابر و حكامى ايلجيلرك استقبالنه چقديلر . شهر مزبورده هر كسك يوكلرينى آچوب چاوكبى اقليم ختايدن طشرهيه چقماسى ممنوع اولان شيلرى اليقورلردى . لكن ايلجيلر يوكلرينه